Mara râh zawpi zydua eima Beipa Zisu Krista moh ta Christmas nata Kôthiehpa ‘SAMAW’ ei chahlâ ei.

Kô kha chhôh zydua eima raihriana liata Khazohpa ta maniah ypâ lymâpa ta, kô chhâna maniah a tlôkhei haw. Mararâh nata a chhôh liata pahrâpa zydua pi ta atakô chhôh liata khihsatôhtuna nata raikhia lana nano nanaopazy patlô theipa ta kôzy eima vaw pachhâ thei awpa vâta ato taotheituhpa eima Khazohpa moh cha tlyzaw ta reithaipa ta y mawh sy.

Eima Beipa Zisu Krista pina daihti nata Kôthieh ly y chhihpa vawtlô awpa he ta Mara râh chhôh liata a pahrâpa zydua hnoh ta thaphana, thlahlôhna, ngâchhihna nata byhnâ thiehpa tha ta vawtlôkhei mawh sy. Khazohpa khona dâh hawhta nata maniah â hnawna hawh tlai ta Christmas nata Kôthiehpa daihti vawtlô awpa he hmâh chyu achhuah sih la, ato liata Khazohpa cha Bei chaipa vaw châ lymâ mawh sy.

Mararâh zawpi zydua Christmas nata Kôthiehpa alypa nata thaphapa ta hmâ chyu awpa ta khokheina asâh chaipa ei chahlâ ei.

“Palôh Ano lâ pahy la, ryu hmohropa byuh khao aw vei”.

Sd/- N. Zakhai,
Chief Executive Member,
Mara Autonomous District Council,
Siaha.