Puhpa N. Zakhai, EM (i/c Education) ta ‘Marapa Thatih’ (Mara’s History) châbu, Puhpa JB. Khaisia ta aropa cha, BRC Hall, SSA liata zawpi zy rei thei awpata apalâhâh.

Palâhâhna programme he Puhpa MC. Pabei, Asst. Secretary, Board of Mara Literature, MADC ta Chairman châ pata a chhihtha.

Khazohpa lâ thlahchhâna nata daihti pavaosana hnei awpata hruapa Macha K. Vathlalo, Asst. Secretary, Ebenezer Local Church ta Biesozy 16:1, Biehrai pathaihpa rei pata daihti a hmâh.

Puhpa N. Zakhai chata reih ta, Marapa zy pita, phohpa hawhta rei awpa hnei hluh kaw pita, anodeikua châ ta ropa a y hluh leipa vâta thyutliapa hluhpi zy ta eima Mah-nô nata Mapaw zy thâtih pahno leipa eima hluh kaw no ta, he hawhta châ ta ropata, record a vaw y pa he arônah tah pata, châbu arohtuhpa lâ liata alynabie reih ta, he hawhpa châbu he Marapa zy pita eima hnei hluh via lyma awpa abyuh zie a reih.

Eima Nôpaw uhthei viapazy ta he hawhta amô-zia lei ta riethei tao pata Châbu pha kawpa maniah ama ropa theipa he arônah atah zie reih ta, thyutliapa châ athaipazy hry liata he hawhta châbu pha kawpa aroh thei awpa eima y vâ ma? Eima Nôpaw hluhpi, châbu chhao rohma lei pata lytlah maniah khôsaipa hluhpi y ei ta, atahmâ ta maniah ahrolâh penawhzy he eima pasô thai kaw awpa abyuh zie areih.

Puhpa N. Zakhai chata, Châbu palâhâh-na liata avaw hlaopa zydua hnohta ahawna tao ta – he châbu he chalei chyu pata, mohropa, he liata a vaw hlao leipazy hnohta chho pachhuah pata, Marapa châbu rei thei awpata a y chhôh pazy pasô kawpata chalei lymâ awpa nata rei tiama lymâ awpata ahawna a tao.

Daihti chhâna liata Rev. Dr. ST. Zawsi, Siaha Vaihpi Biatuhpa(ECM) ta thlahchhâna hnei pata programme khawna a tao.

000001

000002

000003

000004

DSC00124

DSC00169

No comments yet... Be the first to leave a reply!

Leave a Reply

You must be logged in to post a comment.