Siaha, Friday, May 11, 2018: Atanoh dawh 12:00 (Noon) liana khata Department of Horticulture, Siaha Division, Siaha ry liata hmahlana Flower Exhibition Cum Fair 2018 cha DC’s Conference Hall, Siaha liata hneipa châ ta, Puhpa K.Chhuabei, EM (i/c PWD) cha Chief Guest châpa ta Closing Programme â hmâkhei ei.

*Chief Guest bie reihpa zy:*

Khizaw hmasie lymâpa lia heta Pawpi (Flower) ahlao leipa ta y thei khao leipa pi ta, ahneina liazy function peimawh kawpa liatazy Pawpi (Flower) ahlao leipa ta la programme a pitloh thei khao vei a ta.

Pawpi (Flower) fresh market Siaha District lia chhaota pha kaw bâ ta, Florist zy ama peimawh ziezy reih ta, Florist zy chhaota ama Pawpi tawhta sôh hluhpi ama la ha bâ hra a ta.

Pawpi ti pie n’awpa châta Vasuati (Rain Water) chhao padaoh phahnai via lymâ awpa ta a pasyu pâ hra ei. Horticulture he sawhkhâ ta papeimawhsa via lymâ sala a pha kaw awpa ziezy chhao a reih pâ hra.

Châthaipa (B.A, M.A, etc) zy chhao ta ku raihria anawhtaw leipa ta tiama kawpa nata palôh hnei kawpa ta raihria lymâ a peimawh ziezy reih ta.

Flower Exhibition liata Pawpi mohpadotuh penawh Mizoram Florist Association zy ta Category chi nano nanopa ama moh khai tawhta, Lymâ raihpa châ ta, Exhibition lymâ sâkhana ta Phusâ Rs.2000/- nata Citation dao ta, sânona ta Phusâ Rs.1500/- nata Citation, sâthôhna ta Phusâ Rs.1000/- nata Citation hleikhô ta consolation prize a daopazy hnohta
Phusâ Rs.500/- chyu piepa ama châ hra.