Siaha, May 02, 2018: Kisan Kalyan Karyashala he kuraihriapa zy phanawpa pahnosana daihti hmapa a cha. India rah chhôh zydua liata he block level Kisan Kalyan Karyashala Workshop he atanoh May 2 heta Agriculture officers, scientists nata progressive farmers zy chhao ta reipahmaona hneipa a cha.

Siaha District liata Siaha Block nata Tipa Block liata chhao atanoh dt. 2.5.2018 pata programme he ahmah hrapa a cha. He Workshop ta achhuah chaipa cha kuraihriapa (farmers) zy ta New Technology hma (adopt) pata ama income pahluh via lyma awpa he achhuah chaipa a cha.

He Workshop he Puhpa K.Chhuabei, E.M i/c PWD, MADC ta Siaha Block liata ahmah khei ei ta, Tipa Block liata Puhpa K.H.Beihlo, E.M. i/c Agri, MADC ta ahma khei hra ei. He Workshop biepiepa cha ‘Doubling farmers’ income by 2022 a cha. He la aheihpa ta Speaker zyta biereina hnei ei ta, kuraihriapa (farmers) zy chata hmasiena a y theih zie reih ei ta, kuraihriapa (farmers) zy hnota leaflets chhao ama raih pah hra.

Farmers Scientists interaction hneipa cha ta, KVK Scientists nata Speakers zy chhao ta kuraihriapa (farmers) zy hiahrina a chhy ei ta, thôhkhei ama ta kaw sai. AH & Vety Department ta Animal Health Free Clinic ama hnei pah hra. Sahro tlah leipa asaipa ta mohpah (check) ei ta, sahro thohna chhao asaipa ta ama raih pah hra. He workshop lia heta kuraihriapa (farmers) 20 hnota lyma ama pie pa heih hra. Kisan Kalyan Karyashala he ATMA, Siaha Block nata Tipa Block pachhuapanona ry liata Siaha nata Tipa liata ahmapa a cha.