Târi, 30.01. 2015 (Fri) My dawh 10:30 Am pa liana khata, Saikao Missionary Bolâ liata ‘‘State level Seminar on Western Missionary-te Sulhnu in Literature” tahpa Mizo Academy of Letter (MAL) nata Chhimtuipui Academy of Letter (CAL) pachhuapanohpa ta, Saikao Khih LorrainVille liata Puhpa KH.Beithie Secretary CAL chhithana ry liata ahmâpa a cha.

He daihti ahmâna liata heta 1st session nata 2and sessiobn ta pachhaihpa châ ta, 1st Session liata Puhpa RT Zachônô CEM, MADC, cha khichhailaipa a châ.2nd session liata Puhpa I.P.Junior E.M.(Agri)MADC Saikao biatuhpa cha Khichhai zachhihpa a châ.

“Mara Chipho chyhpazy atahmâ duasu liata eimâ duah theina chhâpa nata ryureina ei-hrâhpa hneina chhâpa he Missionary zy vâta a châ tahpa ta, Khizaw âduah chhôh tacha Marapasawzy ta my khah suh u” tahpa ta avaw hlaopa zy hnota khichhailaipa nata khichhai zachhihpa zy chata bietana ama hnei.

He ‘Seminar’ hneina liata Aizawl, Lôlei nata Siaha tawta Uthei nôpawpa zachhihpa avypakhypa zyta Paper Present-na pha kawpa missionary zy thyutôna thâtih zy reipalâhâna ama hnei.

1.Dr.Zoramdinthara, Aizawl ta, ‘Bie liata Wales Missionary-zy hniehnôh’ tahpa Paper pha kawpa present-na a hnei.

2.Puhpa F.Chhawnmanga, Vice President. CAL ta ‘Mara châhnawh vaw pih na dâh’ tahpa Lakher Pioneer Mission Missionary, Rev.RA.Lorrain ta A AW B a taodâh nata bie nata hla hniehnôh asie saipa zy thâtih paper present- na hnei hra.

2.Puhpa V.Rokhawlkima, Lôlei ta ‘Hla liata Baptist Missionary zy hniehnôh’ tahpa Paper a present hra ta, Rev.FW.Savidge nata Rev.JH.Lorrain zy nata a hropa zy hniehnôh tahpa chhao palâhâna a hnei pa hra.

3.Dr.Chawngkhuma Chawngthu, President.CAL Siaha ta ‘Hla liata Lakher Pioneer Missionary zy hniehnôh’ tahpa biepipa hmâpa Paper present heih hra.

4.Rev.JR.Sanga-ta ‘Marareih ta châ ropa, Lakher Pioner Missionary zy hniehnôh’ tahpa biepipa hmâpa ta Paper pha kawpa a present hei hra.

Hrua-eihpa Hlasa thaipa Ls.Chhingpuii Azyu nata Ls.Ellory Notlia Saikao zy ta, thai kawpa ta hlasapa ta avypakhypa zy cha ama palôpahawh.

Official peimawh kawpa zy hleikhô ta Media chyhsazy chhao amâ vaw hlao pha kaw.

No comments yet... Be the first to leave a reply!

Leave a Reply

You must be logged in to post a comment.