(29.3.2018, Pobienoh)

Atanoh my dawh 10:30 AM kha ta noh 4 chhôh ô awpa MADC Budget Session 2018 cha Puhpa H. Sahlo, Chairman chhihthana ry liata pathaopa a châ.

Daihti pathaona lâ liata Chairman ta Khazohpa hnoh ta alyna bie reih ta, Budget Session 2018 cha thlahchhâna ta Khazohpa lâ pavaosana a hnei.

Sitting ei 2 hneipa liata myrâh nata zâlâ ta pachhaihpa châ ta, Chairman ta panel Chairman châta Puhpa Pasa T. Azyu(Nominated) nata Puhpa B. Luaha(Saikao biatuhpa) zy rao ei.

Puhpa K. Chiama, Siaha Vaihpi Biatuhpa nata Puhpa HC. Lalmalsawma Zasai, Amôtlâh biatuhpazy cha Tlâhleina nata chhôkha lâ rairuna vâta Budget Session 2018 he ahlao thei veih ei.

Atanoh châta Budget Session 2018 he apalâ kawpa ta 3:00 PM pa ta pachhâsa chypa a châ.

Mylâ târi 29.3.2018 he Good Friday a châ vâta târi 2.4.2018, Hriatuanoh liata pazao heihpa châ aw ta, târi 4.4.2018, Pakhynoh liata pachhâpa a châ aw.

Puhpa Pachi Hlychho, Secretary to the District Council(Legislative Secretariat) hmah lana zawhzi ta atakô 2018 Budget Session cha NSV nata HSV siepahliepa ta Live Telecast piepapuapa a châ.

(Written by BeiRôkhu Beitâ, I & PO, MADC)

No comments yet... Be the first to leave a reply!

Leave a Reply

You must be logged in to post a comment.