Tari noh 6.1.2015 (Tue) my dawh 11:00 AM pa khata MADC Office pahyna programme cha Puhpa V.Zacho, Executive Secretary, MADC chhithana ry liata hmâpa a châ. Rev.P.Riabi, Senior Executive Secretary, ECM ta Abeipa bie reina nata thlachhâna a hnei. Kô 2014 chhôh liata MADC ry liata rai hriapa chhâzaw râh lâ asie hapa zy taokheina daihti minute kha (1) chhôh hmâpa châ ta, vâdua atyhpa chhôkha zy châta thlachhâna Puhpa LC.Chakhai, Chairman, MADC ta a hnei.

Puhpa RT.Zachônô, Chief Executive Member, MADC ta pasyupalina nata kôthiehpa bie tana hnei ta, kô 2014 December thla hlao Abeipa lâta hlâna Rev.P.Riabi ta ahnei. Gospel Outreach Ministry zy ta reithaina hla ngia ngaitapa ama paryh. Abeipa lâta ahlâ pathiehna zawpi thlachhâna hneipa châ ta, daihti pachhâsana thlahchhâna Puhpa N.Zakhai, EM i/c Education ta a hnei. Programme pachhâsapa a châ tawhta kôthiehpa alyna thopi dona hneipa a châ hra.