Tari noh 29.1.2014 pa khata MADC tlyliah liata Officers nata staffs General Meeting ei 1-na hneipa a châ. He meeting peimawh ngaitapa he Puhpa V. Zacho, Executive Secretary, MADC ta a chhitha.

Meeting cha Puhpa P. Tluasa, EE (PWD), MADC ta Abeipa lâta hlâna ahnei khai tawhta pathaopa a châ. Puhpa S.Vabeihasa, I&PO, MADC ta atlia viata liata MADC sawhkhâ hmahlapa thokha nata hmahla a chhuahpazy phuahna a hnei. Puhpa Pachi Hlychho, Secretary (Leg) ta biereina a hnei. Puhpa Pachi Hlychho chata, “marasawzy pi he eima biereina liata missionary zy luh apabuthluna râh châ pi ta, tahpa ta reih tyh pi ta, anodeikuala eima hro liata ngâchhihna eimâ phahla kaw tlôh khiatala cha bie nata khati hmata ti nata nga hawhta châ thei beih aw ma pi”, a tah. Tiamana nata ngâchhihna he eimâ râsai pathlei khiatala Marasawzy pi he chi hro pho hropazy ta maniah ama pahno nawpa nata eima thâtih ama rei nawpa dâh a chhie ngaita aw a tah. Officers nata staff zy atahmâ hlâ ta phahnai angiah ta tiama via lymâ awpa ta pahruana chhao a tao pâ hra.

He meeting châna heta recorder pathôh raopa châ ei ta, chanahzy chata officers nata staffs tawhta pahruana ama taopa zydua asia kawpa ta ropa ta ama paso lymâ. Meeting he my dawh 11:00AM ta pathaopa châ ta, zâlâ 3:00PM ta pachhâsapa a châ. He meeting liana heta Gospel Outreach Ministry zy ta Abeipa reithai palyupalihna châta hla sâkha ama hlâ. Abei Zisu thlahchhâna maniah a pachupa rei paraohpa ta daihti cha pachhâsapa a châ.

Puhpa V. Zacho, Executive Secretary, MADC bie rei hai no tahpa.

Puhpa V. Zacho, Executive Secretary, MADC bie rei hai no tahpa.

Gospel Outreach Ministry hla ama paryh hai no tapa.

Gospel Outreach Ministry hla ama paryh hai no tapa.

MADC Staff meeting hnei nopa zawpi zy.

MADC Staff meeting hnei nopa zawpi zy.

Puhpa S. Vabeihasa, I&PO, MADC ta bie a rei hai no tahpa.

Puhpa S. Vabeihasa, I&PO, MADC ta bie a rei hai no tahpa.

Puhpa Pachi Hlychho, Secretary (Leg), MADC ta bie a rei hai no tahpa.

Puhpa Pachi Hlychho, Secretary (Leg), MADC ta bie a rei hai no tahpa.

 

 

 

 

 

 

One Response to “MADC Staff meeting”

  1. Abeipa ypapa eima cha vata eima General meeting kha a hlao tloh ta, a theilapa chhao a la pathao hapa a cha nahta ei pangiasa kaw.

Leave a Reply

You must be logged in to post a comment.