Tari 25.07 2014 pa liana khata, BRC-Hall Siaha liata Puhpa K.Vanlalliana DCEO, MADC Siaha chhithana ry liata. MADC Office ry liata Computer hmâpa ta Office Châ achhuh tyhpa nahzy châta “Marareih rohzie dopa” tahpa Biepipa hmâpa ta pachuna hneipa a châ.

He pachuna hneina liata Chhithatuhpa Puhpa K.Vanlalliana DCEO, MADC, Siaha ta thlachhâna ta, he daihti he pathaopa ta, MADC Office ry liata Computer Operator âvypakhypa-17 manohzy hnoh ta, Marareih rohzie thai peimawhzie nata roh dâh dopa thai peimawhzie-zy reih ta, pasyuna bietana a hnei pâh hra.

He achuna he Puhpa KH.Beithie nata Satlia L.Amie zyta pachuna ama hnei.

Achupa zy :-

1) ‘â’nata ‘ô’ luchhôhpa peimawhzie nata hmâzie dopa tahpa nata
2) ‘d’ ‘h’ hmâna kyh apachuna tahpazy nata
3) Marareih Grammar hmâzie dopa pachuna hneipa châ ta, Puhpa KH.Beithie ta, Sentence liata bie âlyupa pasia nawpa ta ‘d’ nata ‘h’ hmâzie peimawhzie chhopasiana hneipa ta, Satlia L.Amie ta, Marareih Grammar hmâzie dopa tahpa pachuna hneipa ta, Marareih parts Of speech hmâzie peimawh-na pachuna a hnei.

He achuna programme daihti he zâlâ dawh 12:30pm pata pachhâsapa a châ.

~ I&PO/IT Department Of MADC, Siaha.