No. 1/2014
Dt. 4/2/2014

Puhpa K. Chhuabei, EM (RD), MADC Siaha cha, a bia Vahia bia chahryh ta, Lopu – Salyu Lathlo chhia ngâhaipa nata Vahia to Miepu, District Council ta Lâthlo achao ngâhaipa, asu liata tly pata amoh pasia.

Puhpa K. Chhuabei he Puhpa Tiahlei Syuhlo, MDC, Puhpa B. Lalchhantluanga, SDO(Sadar), Siaha District, Puhpa Pheiki Solo, Sr.RDO, Puhpa K.Chhiehrau, DCAO, Puhpa H.Beiradua R.O (Vahia), Puhpa H.Vabeikhai, UDC, I&P Department zyta ama zi. Siaha tawhta Dt. 28/1/2014, daw 11:47Am pata Siaha puasai pata, zâlâ 4:26Pm pa liata Vahia ama tlo. Vahia khitlâh nopawpazy ta vaw y dy ei ta, kyhchhina hneipa châ ta, azoh lâ liata Public meeting hneipa a châ.

Vahia khih he Dt. 29/1/2014, daw 12:41Pm liata puasai pa châ ta, Miepu khih zâlâ dawh 5:54Pm pata tlopa a châ. Biatuhpa he khitlâh nopawpa zy ta vaw y dy ei ta, kyhchhina ama hneipa hra. Azo lâta Public meeting hneipa a châ hra.

Miepu khih he my dawh 7:49Am pata puasai pa châ ta, Lopu khih my 9:20Am pata ama tlo. Khitlâh ta pawpi pachhih chhaota arona ngâsa pata ama vaw dy. Buakha ta Lopu liata apahâpa châ ta, dawh 10:00Am pa liata Ralie pangai pata ama pua.

Ralie khih he dawh 12:00 Noon pata tlopa châ ta, Ralie khitlâh duata dyna taopata vaw y dy ei ta, aronah tahpa hlata ronahvia pata vawdy ei ta, kyhchhina ama hneikhei hra. Public meeting hneipa châ ta, zawpi zychhao ama puapha kaw.

Puhpa K. Chhuabei, Public meeting liata a biereipa tlâhpipazy:

1. Ko 2014 kothiehpa, Khazohpa chhithana nata khokheina vâta eima tlo theipa he Khazohpa hnohta lyna hlâ pata a bia zawpi hnohta lyna nata khokheina a hlâ hra ei.

2. Vahia – Miepu motor lâthloh, MADC ta achhia/ataopa he CEM nata a hrialâhpazy liata lynabie reih ta, he lâthlo he a bia chyhsa zy châta nata Marapasaw zy châta hmaphahnai awpa a châna zie a reih. He leipa chhaota Lopu – Khaikhy Lâthloh chhao taopathi ta, pakawh awpa achânazie a reih hra.

3. Khaikhy – Ralie Lâthloh he chhia/chao khaipa châ ta, he Lâthloh he Salyu taihta sie lyma awpa achâpa vâta, Lâthloh chaona rai ahriapenawh zy baotuhpa nata abyuhna hawhta achâkhei tuhpa châ awpa ta ahawna a tao. He Lâthlo he nochhi Mara nata Notla Mara zy apohkhana atao tuhpa nata Marapa râh châta Lâthloh peimawh kawpa a châ awpa nata Lâlai a vaw puana daihti lia chhaota, he Lâlai he Sâtâ khopa taona châta hmâ leipata, Khazohpa rohnana nata Mission rai hriana châta hmâ awpa ta akhohna zie a reih hra.

4. Abia chyhsa zy hnohta Khazohpa hmia pasah lyma pata ngachhina nata tiamana ama hnei thei na awpa ta pasyuna reih ta, sawhkha tawhta baona nata hmahlana rairai alythai ta, apipatloh tuhpa châpa ta, pasothai awpa ta achhuah chyu awpa apeimawh zie a reih.

5. Râh Pass-na âhneituhpa zyta ama râh zy zuah lei awpa ta a hawna a tao. Râh zuapa he eima Bible chhaota apasai lei zie a reih pâ hra.

6. NLUP he Sawhkha policy ta apachhuapahnoh pa hawhta rietheipa zy pachhuapauasa ta, niebaw tluana ipa ama vaw hnei theina awpa châ ta taopa châ ta, NLUP dao ta, pipatlohsa leipa chyhsa châlei pata, papitlohsa tuhpa châ cheingei awpa ta ahawna atao hra.

7. Marasaw zy ta ‘Look East Policy’ Lâthloh eima hma phahnai thei na awpa ta MADC ta hmah la pata Khaikhy – Ralie (Salyu) Lâthloh he ataopa châ ta, chavâta Marapa sawzy châta phahnaina nata athohkheina châ ta avaw châ lyma awpa achâna zie reih ta, he lâthlo he Razohpa chakaona châta hmo phahnai kawpa ta eima hma thlyu na ta eipangiasa tahpata a reih hra.

No comments yet... Be the first to leave a reply!

Leave a Reply

You must be logged in to post a comment.