P R E S S R E L E A S E

No.2/2014
Dated Siaha, the 8th May, 2014.

PUHPA K. VANLALLIANA, DCEO, MADC TA AMOBYU VAIHTHIEH MIDDLE SCHOOL BUILDING THIEPA APAHY
——————————–

Tari noh 7.5.2014 (Wed) khata Amobyu Vaihthieh (Zero) khih liata Middle School o sa thiepa cha Puhpa K. Vanlalliana, DCEO, MADC- ta zala daw 1:38 Pm-ta apahy. He saku o pahyna liata Puhpa K. Vanlallina ta bie areina liata thla 3 chhôhta liata saku o sa 3 Amôtlah, Thosai nata Amobyu Vaihthieh (Zero) liata zy saku o thiepa pahy theipa a châpa he eima nôpawpazy ta Education ama pachâ peimawh zie alâ pasia kaw tahpa ta a reih.

A rei lymana liata achuna liata hma eima sie via thei nawpa ta atahma he saku zydua tlypa ta motivation hneipa ta Inspection chhaoh hnei lymapa châ ta, a leitheileipa ta displinery action la abyuhna liata displinery action la lymapa châ ta. He hawhna he ta Mara rah chhôh zydua padôpa ta saku tly lyma awpa a chhuana zie a reih.

Pachutuhpa, achuhaipazy, achuhaipa nô nata paw nata official-nazy ta palôhraoh kawpa ta thapi eima phia khiata cha, eima rah liata achuna he ta hmahsie viana lâ pangai cheingei aw tahpa a hnabeiseih zie reih ta, Academic Session thiehpa tawhna he ta cha hmah thiehpa la via awpa a peimawh zie a reih hra.

Pachutuhpa rai he rai pathaihpa nata zachhihpa châ ta, chavata, pachutuhpa zydua ta pathaihpa nata zachhihpa ta rai ama hria awpa a byuh zie a reih hra.

ISSUED BY INFORMATION & PUBLICITY DEPARTMENT, MADC, SAIHA. COPY 100.

No comments yet... Be the first to leave a reply!

Leave a Reply

You must be logged in to post a comment.