MSO JT. HQ: DELHI TA 20TH FRESHERS’ SOCIAL CUM ORIENTATION RÔNAH KAWPA NATA PALÂ KAWPA TA HMÂH*

Delhi Marasawzy ta eima noh peimawh chaipa nata eima vaw hâ dy kaw tyhpa 20th Fresher’s Social Cum Orientation cha târi noh 22 Thlarâh, 2018 liana khata Mizoram House, Vasant Vihar, New Delhi liata ahmâhpa châ ta, khichhai laipa Puhpa V. Zacho, Executive Secretary, MADC, Siaha ta maniah a hmâhkhei.

Fresher’s Social Cum Orientation he Session sâno ta pachhaihpa châ ta, Session ei-1na he *St. KT. Beiryudaosa*, Vice President ta pahnie kawpa ta chhihtha ta, kô tota eima vaw tao tyhpa hawhta *Ls. P. Nâki* d/o P. Sama, B. A (Programme) nata *Ls. K. Venisia* d/o K. Hrâhmô, B. A (Political Science) zy Delhi University tawhta First Division liata hlaotlohna ama topa vâta palyupalihna ryuchâ hlâpa ama châ.

He hleikhô ta General Secretary Report zy, Financial Report zy, Freshers Introduction zy, Constitution Bu Release-na zy, Hlasana zy nata, khichhai laipa Puhpa V. Zacho, Executive Secretary MADC, Siaha nata First Lady Of Maraland Pihnô HC. Ngôpaw tawhta pasyupalina nata khokheina nahthliepa a châ ta, President *St. Joel Mychhua Nôhro* tawhta Welcome speech nahthliepa châ hra ta, Fresher’s vyuhpa pata biereina *Ls. Florence Khulai* tawh nahthliepa a châ khai tawhta zawpi ta Bei Thlahchhâna hneipa ta session ei khana châ pachhâpa a châ

Session ei-2na he Delhi Marasaw tawhta reikah a thai chaipa nata atluatlâ chaip’enawh *St. Beihrasie Laikhai*, Secretary i/c Culture & Welfare nata *Ls. Esther Khaimeichhô* Executive Committee Member zy ta pahnie ngâsâpa ta m’iah ama Host-pa. He liana heta Delhi Mara Top Artist nahzy tawhta hlasa nathliena zy, Special Item chi nanopa zy, Show chi nanopa zy, Awhsi Tlana Award raina zy nata, Orientation Speech *St. K. Beisungia* nata *St. Thomas Maratha Hlychhô* tawhta nahthliena hneipa châ ta, he hleikhô ta *Puhpa RC. Beilaizi Bôhia* tawhta biereina phakawpa zy nahthliepa châ hra ta, Jam Session phasa kawpa nata lôhki kawpa ta hneipa a châ hra.

Atakô ta Delhi liata Marasaw a y thiehpa he manôh 45 hlei châ ei ta, kô 2018-2019 chhôhta MSO Jt. Hqrs: Delhi Fresher’s Miss châta *Ls. Hilda Beihrozi* d/o FC. Lawmkima, BA (Political Science), Lakhsmibai College, Delhi University nata Fresher’s Mister châta *Papa Christopher Chozah* s/o C. Simon, BA (Sociology), Amitya University zy a tlyh patlohpa ama châ.

Atakô 20th Fresher’s Social Cum Orientation liata ahlao theipa he manoh 108 hawhta pahnopa châ ta, kô hro hlâta eima pua hluh via hawhta pahnopa a châ. MSO Jt. Hqrs: Delhi ta nama daihti parua pata a vaw hlao theipa zydua hnohta lynabie palôhru hmeiseih pata a reih.

*20th FRESHERS SOCIAL CUM ORIENTATION SPONSOR-TUHPAZY*

_1. MADC, Siaha_
_2. St. Joshua Miahlung_
_3. St. Vabeizachhi Chozah, MCS_
_4. Ls. CH. Vanlallawmi_
_5. Ls. Genesia Beiti Hralo_
_6. Ls. Jaeli Byhnakhai Syuhlô_
_7. Pihnô J. Ngôna_

_20th Fresher’s Social Cum Orientation hlaotloh thei n’awpa ta a vaw Sponsor-tuhpa zydua hnohta MSO Jt. Hqrs. Delhi ta palôhru hmeiseih pata lynabie a reih._

Official Photographer GT Images a.k.a St. Gospel Thâlai Nôhro, Chairman, MCF, Delhi nata St. Delson Nôtlia, Sr. Advisor zy nohthla ngiakawpa ta m’iah ma la heihpa vâta ama chô liata MSO. Jt. Hqrs. Delhi ta lynabie rei hmeiseih.

He daihti liata Usher, Counter, Decoration, nata Sound System m’iah pahmâtuhpa *Ls Irene Solo* zy nata Incharge nano-nano nahzy tiama kawpa ta nata pahnie kawpa ta rai m’iah hriatuhpazy hnohta lynabie MSO Jt. Hqrs. Delhi ta lynabie a rei chanei heih hra.

20th Fresher’s Social Cum Orientation daihti su nano-nano lâ tawhta m’iah a vaw hlaokheipa nah Chandigarh Mizo Union (CMU), Delhi Mara Community (DMC), New Delhi, Pihnô HC. Ngôpaw, Puhpa RC. Beilaizi Bôhia nata mohropa hluhpi hnohta chhao lynabie eima reih hmeiseih hra.

Zâ pati pahâh ngâsâpa niepa a chä khai tawhta lôhkipa nata thapha kawpa ta Mizoram House, Vasant puasaipa ta eima O lâ eima pangai chyu.

*”For God and Maraland”*

*Sd/-*
(J. BEIKUZÔ)
General Secretary
MSO Jt. Hqrs: Delhi.

No comments yet... Be the first to leave a reply!

Leave a Reply

You must be logged in to post a comment.