Atanoh târi noh 3rd, Khihpa, Pobienoh, 1:00Pm pata Puhpa R.T. Zachono, CEM chata MADC officer nata staff zy châta Office Automation training course taopa cha, Forest Hall, MADC liata akhawna atao.

He akhawna “Closing function” liata Puhpa J.B. Chozah, training course director ta Chairman châ pata he function he chhihtha ta, Puhpa R.T. Zachono, CEM ta Chief Guest châ pata biereina nata Certificate raina a hnei.

CEM chata reihta, raihriana liata tiama kawpa nata theina chyu papua pata department châta hmahsiena apatlôsa tuhpa cha chyu awpata ahawna atao.

Puhpa V. Zacho, training Head Faculty chata, training na chochâh report-na chyusia kawpa a hnei hra.

Master trainers Puhpa F. Lalrosiama nata Puhpa Pawsa Lava zy ta pasyupalina – biereina chyupa ama hnei hra.

He training he MADC officer nata staff atly eihpa manoh 193 zy châta taopa châ ta, manôh 39 zy cha training ahlao thei vei ei. Training liata attendance la lyma pa châ ta, 80% a attend pazy hnoh deita Certificate hlâpa a châ. Certificate adao paphapa zy cha manôh 30 ama châ.

He training he 2nd June pata pathaopa châta, July 2nd, 2014 pata patlôpa a châ.