PRESS RELEASE
NO.22/2024

SIAHA, 29 HMYPI, 2024, Pohbienoh – Atanoh dawh 1:00 PM khata Puhpa T. Seido, EM i/c Social Welfare, etc., MADC nata a hrialâhpa Pihnô Patricia T. Azyu, Social Welfare Officer, MADC ta Siaha khihchhôh nata Siaha khih khôtho liata ypa Charity Home tlypa ta baona sôh ama hlâ.

Puhpa T. Seido, EM, MADC chata, “Keimo Department he tawtaw kaw hra sala Khazohpa ta miah pavaosapa a châpa hawhta, Khazohpa ta miah hmâh khoh ta, sôh achyhta ngâlâh bao thei pi ta, a rônah ei tah kaw, tahpa ta a reih.

“Sôh he chyh kaw hra sala, a hmâ n’awpa do kawpa liata eima hmâh khiahta la Khazohpa ta a papôhsa tyh. Chahawnahrachata, nama hriana hlao chyh kaw hra sala, Khazohpa ta cha hmâh ei ta, nama raihriana rônah kawpa vâ heta Vârâh liata lymâ pha kawpa nama hnei tahpa pahnona chôta hriapazao lymâ awpa ta khokheina ei cha hlâ ei,” tahpa ta EM ta a reih.

Atanoh Puhpa T. Seido, EM, MADC ta baona a piepazy:-

1. Grace Children Home, College Vaih, Siaha.
2. Orphanage Boys Home, ECM Vaih, Siaha.
3. Kalvary Healing Ministry, Siahatlâh
4. Motherless Baby Home (CCIM, Saikao).

ISSUED BY:
Information & Publicity Department
Mara Autonomous District Council
Siaha.