PRESS RELEASE
NO.14/2024

​​
SIAHA, 9 Hmypi, 2024, Chutynoh – Atanoh my dawh 11:00 Am liata Siaha Town chhôh liata Mara Thyutlia Py (MTP) Branches nata Mara Chanô Py (MCHP) Branches President nata Secretary zy nahta Local Administration Department, MADC zy ta Siaha Town chhôh pathaihna, Sahroh, I (Dog) mohôhna kyh nata Sôdaohna kyh zy chôchâh pachâkhohna programme ahmâpa a châ.

​​Meeting he Puhpa Joshua Chozah, Under Secretary ta chhitha ta, Puhpa C. Mochono, Asst. L.A.O. ta Devotion, Abeipa lâ pavaosana thlahchhâna daihti a hmâ. Devotion hnei khai tawhta Puhpa K. Chhuabei, E.M. i/c LAD, Pihnô S. Lalmuanpuii, Sr. L.A.O. nata Puhpa Henry PL. Hnaihly, S.O., MADC zy ta pathaihna (Sanitation) kyh liata atahmâ hlâta hmah eima sie via thei nawpa ta hmahlakhoh via awpa abyuhna kyh zy, Sahroh avaona nata mohôhna liata dâh nata phôh pahno awpa peimawhpa zy palâhâhna chôta i (Dog) hneituhpa y leipa ta khiliah papua pasailei awpa nata sahroh hropa zydua chhao khôpua pasai leipa a châna kyh zy reina ama hneih.

Chatawhta eima râh liata sôdaohpa hluhpi he chi hropa sôh a daohpa ama hluh kawpa kyh zy liata MTP nata MCHP zy ta ama vaih nochâ chyu lia hmahla lkhei awpa ta ahawna chôta eima chi nata pho châta chakaopa hawhta khâchâ pachâna hnei ta hria awpa apeimawhna zy ama reih.
Chahleikhô ta Meisatlâh ry liata Dumping Ground ta Meisavaih chyhsa zy châta hri-ia pathaih leina atlôkheipazy vâta, Solid Waste Management thlai ta hmâ thei nawpa ta hriatuhawpa lana kyh Tender tao haipa achâna zy, chhôhto Dustbin hmâna kyh liata azaotheipa nata azaothei leipa pachhaih/pahrua khai awpa a peimawhna nata apuapa thypa Motor â vy ti ngâlâh ta apuapa eima o tawhta puakhei awpa a châzie zy ama reih.

​​Puhpa Joshua Chozah, Meeting Chairman ta alynabie reina nata thlahchhâna hnei ta, he meeting he pachhâsapa a châ.

ISSUED BY:
Information & Publicity Department
Mara Autonomous District Council
Siaha.