Atanoh Târi noh 2.6.2015 nohchhô 12:00 Noon khata Puhpa K.Chhuabei, EM i/c Road Transport etc. MADC ta CEM Conference Hall liata MADC Road Transport Department nôpawpa nahzy nata Siaha khihchhôh liata Mizoram Sawkhâ department thokha nôpawpa zy Puhpa Francis, Addl.SP,Puhpa Mapuia, MVI,Transport Department,Puhpa Lalnunmawia, OC, Traffic, MJA,Siaha District zy nata chyhsa peimawhpa thokhazy meeting peimawh kawpa hneipa châ ta.

He meeting liana heta atahmâhlâ ta Mizoram Gazette ta a papuapa The Mara Autonomous District Council (Control of Vehicles parking and collection of parking fees) Regulation,2014 hmâ’nawpa dâh chôchâhzy nata Siaha khihchhôh liata motor nano nanopa zy atyuduana (park) na su chôchâhzy mopazina hneipa châ ta. Atahmâ tawhta cha The Mara Autonomous District Council (Control of Vehicles parking and collection of parking fees) Regulation 2014 hmâpa ta Siaha khihpi chhôh liata motor parking fee cha MADC Road Transport Department ta akhei lymâ bâ aw.

Atahmâ ta hmâhaipa he motor nano nanopa zy aduana su zy cha a phana nata phaleina mopazipa a châpâ hra. Puhpa K.Chhuabei ta he dâh thiehpa hmâ’nawpa chôchâh liana heta sawkhâ vyuh tuapa ta âvypa member zy nata zawpi zy cha zyh chyu awpa ta a hrua ei.

SONY DSC

No comments yet... Be the first to leave a reply!

Leave a Reply

You must be logged in to post a comment.