SIAHA, 25 May, 2018 (MNN) – Atanoh nohchhôh dawh 12:00 Noon liana kha ta Puhpa TT. Kholaw, Road Transport Officer(RTO) chhihthana ry liata MADC ta a hneipa GYPSY, Maruti-Suzuki Company taopa Sports Utility Vehicle(SUV) sâ palih(4) zy cha CEM’s Bungalow tlyhmia liata lilâhpa a châ.
Puhpa V. VB. Byhnâ, EM (i/c Road Transport) ta Inaugural Speech hnei ta, MADC Executive pasaina hawh ta Auction he ataopa achâ zie a reih. Motor auction awpa zydua he Road/Market value zydua he Puhpa C. Lalawmpuia, MVI(Mizoram) pataosapa a châ zie a reih hra.
Puhpa Byhnâ chata reih ta, he motor auction awpa a ypa pahnopa a châ tawhta private nata department thokhazy ta khokheipa ta chaleisa awpa ta ama vaw hiah ei ta, anodeikua MADC Executive bie hawh ta a fair kawpa ta Auction siepahliepa ta lilâh awpa a châ zie a vaw chho lymâ ei.
Motor Auction liata avaw hlaopa zawpi zydua hnoh ta Puhpa Byhnâ ta alynabie reih ta, RTO Office vyuhpa ta Puhpa C. Lalawmpuia hnoh ta chhao alynabie a reih hra.
Motor lilâh tua awpazy he nawhbaw rohpa ta adaopa a châ.
Puhpa K. Pathai, MVI(MADC) ta motor lilâh he siekhei ta, Local Newspaper Advertisement liata Auction chôchâh papua hapa a châna hawh ta a chatlai khohpazy chhao ama vaw pua hluh kawpa ta pahnopa a châ.
Ary liata palâsapazy he Registration Number, Road Value, achaleituhpa nata Chaleina ziezy a châ:-
1. MZ03 – 1919 (Hard Top)
Value – Rs.30,500/-
Chaleituhpa – Kichhô Chozah
Chaleina zie – Rs.42,000/-
2. MZ03 – 3484
Value – 28,500
Chaleituhpa – Rakhu Chozah
Chaleina zie – Rs.50,000/-
3. MZ03 – 1443
Value – 30,500/-
Chaleituhpa – N. Thâtlô
Chaleina zie – Rs.59,000/-
4. MZ03 – 2835 (Hard Top)
Value – Rs.34,500/-
Chaleituhpa – C. Lalawmpuia
Chaleina zie – Rs.71,000/-
He lilâhna he khokheipa tlyma y leipa ta a fair kawpa ta taopa châ ta, achhytuhpazy ta ama ngâh-na zie lymâ hawh ta taopa a châ.
GYPSY sâ palih zydua Road/Market Value cha Rs.1,24,000/- a châ no ta lilâhpa ta zuana zie cha Rs.2,22,000/- a châ.
(Written by BeiRôkhu Beitâ, AITO, MADC)
You must be logged in to post a comment.