Missionary_ImagesNohtla beih leina râh khochhihpa liata khota laihzaolao haipa cha, thlahpa thapasana vâta Moluh Alapa sawzy chareina râhzohpa Maraland cha kaw pangai ei ta. Paitha (Paithar) tawhta Tipi Meithâh azawh chheih thlâh hapa haosâ râh cha my nohchhi pha kawpa ry tawhta vaw sai ta, “Eima râh awpa cha â ngia ngaita dia!!”, tahpa ta Rev. Reginald Arthur Lorrain cha a thapha ngaita ta, chatanachata a chôhsu Maud Louise Ulander Lorrain nata Maraland cha vaw pangaipa ta, Saikao khih a vaw ngia ha ei ta….

Rairuna nata thlazohna, hnabeidyna nata thina saikaoh saona chôta ama kyhpachâpa Maraland châta mathlai thisaih hawh tlaita palopa ta vaw tei hualua ei ta. “He Marapa râh liana he, Zerusale padua hlâ lei; Zaozi paih lia khô mâh’ va na”, tahpa hla sana chôta Rev. Reginald Arthur Lorrain nah nôvah cha Moluh Alapa chi nata pho hry liana chata Krista Thâtihpha cha tlâh-awhkheipa ta hrâsiena lâthlôh chhutla-chakhâpa cha avaw chhih ha ei ta….

Khizaw su nano nanopa liata Missionary hluh via syulyu zy ta ama chakaona su liata ama luh ngâsâ taihta pabu awpa vaw pasaih veih ei; a chyhta deita ama châ. Lakher Pioneer Mission Missionaries-zy deikua eima râh nawh ngaitapa leilô liata ama luh pabupa ta, byhnâ hluhpi maniah ama paryupa haw!!

Atanoh ta Marasawzy ta thaina-sona achuna lâthlôh liata eimâ râpasuana thabypa he na pachâ beih hra ma? Eima chheipâh liata chi hro pho hropazy ta maniah ama dihsao awpa cha a ngiahkhoh leipa ta, Rev. Reginald Arthur Lorrain chata, “He râh liata a khy pi ta, Siku eima paduana chhâpa he, Lushei reih ta châ pachu awpa ta a khypa châ leipa pi ta. Eimâ chhuah chaipa cha Lakher hawti Siku pangiasa ta, ama reih cheingei ta châ pachu awpa nata mohôh awpa ta akhypa tlao eima châ”, tahpa ta, phahnaingiah ngaitapa ta Marasawzy cha hruna nata zohna tawhta khaihna lâ maniah ama vaw thaohpapua haw.

“It seemed like Home; No better place on earth” tahpa ta Rev. Albert Bruce Lorrain Foxall chata Saikao liata Mission Bungalow laikah liata pheiliah a hai pataw nahta vaw reihpapua ha heih ta! “Ei vaw thi tita Maraland leilô chô liata n’aw pazia muh vy”, tahpa ta Louise Marquerite Tlôsai Lorrain khata Ludhiana thohna-o lâ a sie chyta Mara leilô cha â phao ta! Thina ku chakuapa ta a patu haino chata, “Marapa saw nahzy ei vâ dâh rimâ ei cha! Pakha chhâ amâ vy thlyu na, ama reih na ei thei pachhi ngâkaw!”, tahpa ta Vaili Nô cha molâhpa râh liana chata Marasawzy ngiabâh kawna chôta thina lytlâh cha vaw khô ha ta!

“Eima Missionary ta châ pyh thei khao ma pi”, ama tah ngâpa chhaota, Marasawzy châta rai chhâhchabâhpa a hneipa vâta Rev. Albert Bruce Lorrain Foxall cha hmiakai lei kawna chôta a kyhpachâpa Maraland cha a kaw pangai ha heih!
Missionary_O
Atahmâ cha Rev. Violet Louise Annie Mark (Pihnô Vaili) dei he Mongyuh thisaih ta sapa maniah hrolâhpa ychhôhpa a vaw châ haw. A hrochhôh daihti hnôh chaipa hmâh pathao hai ta, chyhsapa pachâ ta cha thlaita rônahna râh lâ maniah a siesai ha bâ aw!

A châ tlai na! Missionary-zy ta Maraland kyh ama pachâna he â thu ngaita dia! Atanoh, Marasawzy ta alyna bie reih leipa ta ma eima Missionary hnôh chaipa he thlâkhao eima pangiasa aw? “Thlachhâna ta paduapa, ngiapâna ta tuapapuapa”, tahpa biepipa hneina chôta Mara râh chhaolei liata pahrâna awpa Rev. Reginald Arthur Lorrain ta otôh a vaw saohpa Bungalow cha kô 100 (1914 – 2014) a tloh ha hih! Ku eima pathla theina daihti ryhpaohpa cha Gospel Outreach Ministry siepahliepa ta Abeipa ta maniah a vaw pahypa haw! 100 YEARS CELEBRATION OF REV. REGINALD ARTHUR LORRAIN BUNGALOW Cum LAKHER PIONEER MISSION MISSIONARIES NIGHT cha târi 16th Pachawh 2014 heta Rev. VLA Mark Birthday pachhypa ta Mission Compound liata ahmâpa a châ aw.

Unawh nata Sietanô khoh ngaitapa saih u, a vy u la pachâkhoh tua ei suh u, eima Missionary hnôh chaipa thlâkhaoh â ngia hlâta eima zana palâsana nata alyna bie reina châta hmosaipiepa achyhta chhâ hlâ hr’aw ma pi ma? Ryhpaohna daihti a khô hlâna heta!!

India râh khôtho (Foreign) liata Marasawzy ta eima Missionary hnôh chaipa Mrs & Mr. Rev. L. Mark nata chhôhkhazy hnohta alynabie a reih khohpazy châta he a ry liata palâsapa Postal Address liana heta baona pangia theipa a châ:

DAVID K. AZYU,
College Vaih, Siaha,
Saiha District, Mizoram
North-east, India.
Pin – 796 901

India râhchhôh su nano nanopa liata pahrâ haipazy nata Foreign râh thokha liata pahrâ haipazy cha he a ry liata Bank Account Nuhby liana heta paphao theipa a châ hra:

DAVID K. AZYU
HDFC BANK
ACCOUNT NUMBER: 22871 000008257

Lakher Pioneer Mission Missionary hnôh chaipa
Rev. VLA Mark (Vaili) pinoh (Birthday) alykheina hmosaipiepa nata alynabie reina châhna vaw paphao/pangia hra mah y

Rev_VLA_Mark_VailiThâtihpha khaihna vâta byhnâ reitiah-lei na daopa he alaichadai la, Lakher Pioneer Mission Missionaries zy sôh zie na sia via lymâ aw. Missionary hmiatuapazy chôta alynabie na hlâ hmâ leipa kha na palôh a hiah ma? Aw ta sihnôh kua thai’pa châ khao veih ei; ama kyhpachâpa Maraland châta ama hrona hlâpa ta, ama chakao tyhpa Abeipa kalachhôh lia tlyzaw laizaolao awpa ta thina lytlâh ama khô haw!

Biehrai nata chyhsapa daihti reipati zie ta cha Rev. VLA Mark (Vaili) hrona noh cha tla daihmâ ha ta, a daihti chhâna lâ a hmâh hai thlyu bâ aw; bohpi maniah atyudualâh sala angia vei! A pina noh (târi 16th Pachawh 2014) alykheina nata saiheina hmosaipiepa hlâ awpa ta na ku na pako thlâh ha chy aw ma? Nohtla beih leina râh phasana chhao tlaichhai thei khao leipa ta, hrona sôhpa chhao taihta nâ nata kei châta a i leipa, eima Missionary hnôh chaipa hnohta alynabie reina châta nata pinoh alykheina châta na hmosaipiepa he, nâma nata na tusawzy châta chi phapa na pabu tahpa chho chanei nâ ngiah ma? Daihti ryhpaohpa he patu thai la, he a ry liata palâsapa su liana heta sôh lâta tlyma hmobaoh lâta tlyma vaw pangia/paphao hra mah y.

Missionary hnôh chaipa Rev. VLA Mark (Vaili) hnohta alynabie reina châpaphaopa (Letter) cha, A4 Paper Size liata ku ta ropa cheingei ta, he a ry liata palâsapa su liana heta vaw paphao la, na châhna paphaopa he yzie hnei kawpa ta pakaohpa (Binding) châ aw ta, Rev. VLA Mark (Vaili) pina noh (Birthday) i.e. 16th Pachawh 2014 khita ano ku lia tlaita hlâpa a châ aw.

Châhna (Letter) nata Pinoh (Birthday) hmosaipiepa pangia/paphao n’awpa su zy:
1). NSV Studio, New Colony, Siaha
2). Hranglung Store, New Siaha
3). Syhly Store, Siaha Bazar.

Gospel Outreach Ministry pachhuapanohpa ta 100 Years Celebration of Rev. Reginald Arthur Lorrain Bungalow (Mission Residence, Saikao) cum Lakher Pioneer Mission Missionaries Night, târi 15th- 16th Pachawh 2014 pata Mission Compound, Lorrainville liata ahmâna daihti liata Pihnô Vaili pina noh (Birthday 16th Pachawh) he alypa châ aw ta, cha alyna daihti liana chata châhnapaphaopa nata hmosaipiepazy he hlâpa a châ aw.

Gospel_Outreach_logoNa châhna paphaopa, pinoh alykheina hmosaipiepa (sôh nata hmobaoh) na vaw pangiapa/paphaopa liata na moh nata pahrâna su siahlia kawpa ta roh la, na hmosaipiepa nata a ziepa palâsapa ta Châbu tatawpa (Booklet) taopa châ aw ta, châ (letter) paphaotuhpa nata pinoh hmosaipiepa ahlâtuhpa zydua châta Pihnô Vaili ta byhnâ a aw khai tawhta, Rev. R.A Lorrain Bungalow liata aphapa ta pasopa a châ aw.

GOSPEL OUTREACH MINISTRY, SIAHA

For further Information, please contact: 9612823477/ 8974603027/ 8974169702.

No comments yet... Be the first to leave a reply!

Leave a Reply

You must be logged in to post a comment.