1. PAHNOSANA
Mara râh khihpizy Siaha nata Tipa a vaw pathaih via nawpa ta nata, The MADC (Public health & sanitation) rules 2012, ta â hnawpa dâh hawhta he hawhna heta pahnosana (order) taopa châ ta, zawpizy ta zyh khai awpa ta eimâ châ haw.
1. O to ta nama tlyhmia (compound) chyu phi tyh awpa ta a hawpa nama châ.
2. O to ta apuapa Side Drain liata thy leipa ta vaw pachô ta hnaihny thyna Motor liata vaw khô tyh awpa a châ.
3. Khihliah lâthlôh, Side drain nata Step pathaina rai he Village sanitation committee maohphaohna a châpa hawhta ama ku liata sopa a châ.
4. Chhiena rarôypa a tlô theipa Meikâpa tawhta a bohna he mo to maohphaohna a châpa hawhta châhnamei tlôna a –ia haipa thypa, eletrict Wiring pha leipa, Gas Regulator off leipa, vaolao chhona mei pasopanô phaleipa, Mombati pakhaipa nata mei kâpa ta tao theipa hropazy tawhta asohsi kaw awpa ta zawpizy a hawpa a châ.
5. Didaoh lona, ie nata pazô sâna kyh, nie awpa mathyu/thlohhmia byna nata âhmie chhopa etc. pasana hri-iah a châ theipa totie tawhta asohsi awpa a châ.
6. I (Dog) mohôhna kyh liata sub-section 1&2 of Section 3 of the MADC animal (Control & taxation) Act 1983 Sub-section 3 & 4 of section 22 of the MADC (Public Health & sanitation) rules 2012 ta a pasaipa hawhta nata siaha Town, Joint Village sanitation committee nata Executive Committee, MADC ta a paryhsapa hawhta I (dog) khihliah a puapa (Sreet dog) zy cha chyhsa ahyrai ta thie (kasao) theipa châ ta, a thie (kasao) tuhpa ta a ri a hnei thei aw. A thiepa I chaolahmei (tail) deikua paso awpa a châ. He vâna heta I hneituhpa zy ta nama I khihliah papuasa tlâ lei awpa ta eima cha pahnosa.
He order liata pahnosanazy zyh leipa ta a tao raruahpazy cha phusâ Rs. 1000/- pacheisapa tlyma thlacharu (6 months) lô-o liata patâhpa tlyma a sâno (both) ta pakaohpa ta tlyma hrie theipa a ma châ aw. He châ puanoh tawhta hmâ pathaopa a châ aw.
Sd/- P. Sama
District Council Local Administration Officer,
Mara Autonomous District Council,
Siaha.
2. MEMORUNDUM
Siaha Town nata Office mohôhna rai apha via thei nawpa ta a ry liata Instruction-zy he taopa châ ta, concerned staff zy ta zyh khai awpa ta eimâ pahnosa.
1. Inspector zy ta, Field Inspection hnei tyh aw ei ta, ama duty report ASO hnoh ta written nata verbal ta weekly ta ama pie tyh awpa a châ.
SI, ASI, TMI zydua my chareih Site Office liata my dawh 6Am ta he liata attendance ama pie tyh aw.
2. Sirdar zy ta Sweeper-zy raihriana daihti liata amâ pasiesai awpa châ vei, ama rai hriana su liata ama ypâ lymâ awpa a châ. Khihliah pathaina Sirdar ta mokhei aw ei ta, ama raihria awpa a chho tyh aw ei. SI/ASI zy ta ama rai hria he Ispection hnei tyh aw ei ta, ASO hnoh ta repport ama pie tyh awpa a châ.
3. Office Ti sopa EM’s Room, Officers nata Staff zy room liata ama soh nata sohlei pahno awpa ta SI i/c Ti ta register maintain aw ta, Room duty hnoh ta Ti a soh tahpa signature a la tyh awpa a châ.
Ti sohtuhpazy ta my chareih Office corridor nata Step pathai aw ei ta, Hriatuanoh (Monday) & Pakhynoh (Wednesday) noh lia maih ta a hnaona rai ama hria tyh awpa a châ.
4. Night Guard :
Duty Puhpa J. Lallianmawia Asst. Sirdar Puhpa K. lairô, Asst Sirdar zy he Puhpa K. Khulai nata Puhpa N. Beirangia zy ta bao tyh aw ei ta, Puhpa Edward Aldrin, ASI ta ama duty inspection hnei tyh aw ta, ASO liata weekly report a pie tyh awpa a châ.
Night Guard zy heta Side drain liata a puapa/hnaihny a thy chakhyhpa nata Street dog zy ama pakhâ awpa a châ aw.
Duty daihti liata hmo khohchhih leipa nata rarôh ypa chi liata Telephone hmâpa ta tlyma information immediate officer hnoh ta a pie lymâ tyh awpa a châ aw.
Sd/- K. Beingiachhie
Senior Local Administration Officer,
Mara Autonomous District Council,
Siaha.
3. ORDER
Tahmâno he Myanmar nata mawrah chhôh liata Vaosa pasana hri a charei tahpa pahnopa châ ta, he he zawpi vâtlâh hri-iah pathaihna châta chi â chhih theipa vâta 144Cr.PC atlychakapa ta bie papua a byuhpa ta ei pahno vâta.
Kei Alok Swarup, IAS, District Magistrate, Siaha chata 144Cr.PC ta bie ei na piepa hawhta ary liata bie he ei papua.
Ahy hmah ta Myanmar râh tawhta Vao chaleipa ama la pangia awpa châ vei.
He biepiepa he a chhâpa khâpa vâta tlyma pasihsapa tlyma pachhâsapa tlyma a châ leipa khiah ta la he order a puanoh tawhta reipa ta thlacharu (6) chhôh w.e.f. 1/9/2013-28/2/2014 taih hmâpa a châ aw.
He pakhâna he court seal ta chahnao pa-ipa ta noh thôh 3rd sept. 2013 pa heta ei papua.
Sd/- Alok Swarup
District Magistrate
Siaha District, Siaha
Forwarded By:- P. Sama
District Council Local administration Officer,
Mara Autonomous district council,
Siaha.
