By: Shri M. Laikaw
CEM, MADC, Siaha.

Mizoram Board of School Education (MBSE) ta High School Leaving Certificate (HSLC) Examination Result 2023 a vaw papuapa liata Marapasaw su nano nanopa tawhta nata Siaha District tawhta hlaotlohna pha kawpa a vaw topa zydua chô liata ei châ lykhei hmeiseih ei.

A pachaipa ta eima Marapasaw hry tawhta Top-7 liata Ls. Isabel Daoki, D/o Prof. Dr. K. Robin â vaw hlao theipa he a rônah tah na ta, ei palaikhei ngâsâ.

School nano nanopa liata pachutuhpazy nama raihriana theilâ pha kawpa hmô thei awpa ta Marapasaw nata Siaha District ta eima topa he hmahsiena a châ tah lei thei va na.

Hlaotlohna phapa a vaw hneipa zydua, he result phapa lia he ta â daih tah thlâh leipa ta, hmialâ daihti châta tiama papua via lymâpa ta achuna sâh viapa pazao lymâ awpa ta ei cha hrua ei.

Hlaotlohna a to mâh leipazy chhao, thachhie leipa ta nata hnôhsy leipa ta tiama papua via lymâ awpa ta khokheina sâh chaipa ei cha hlei ei.

Sd/- M. LAIKAW
Chief Executive Member
Mara Autonomous District Council
Siaha.