SIAHA, 28 January, 2020, Tuesday: Zâhnia (Monday) zâ (27.01.2020) pa liata Puhpa Beirahmo Syhly, EM i/c Sport and Youth Services, MADC cha khichhai laipa (Chief Guest) châpa ta 16th Mizoram Inter-District Volleyball Championship 2020 cha a hmâkhei ei. He Spike Off Programme a hmâna liata Chief Guest biereipazy:

He 16th Mizoram Inter-District Volleyball Championship 2020 Siaha liata a vaw ypa he ei ly hmeiseih. He hawhpa ataopasuana programme he Siaha liata y beih leipa ta atahmâ he a eikhana châ ta ei ly hmeiseih.

Sports liata la Sport person zy cha discipline hnei pha kawpa byuh ta Sports dâh nata phôh (Sport Rules) eima zyh pha kaw awpah byuh ta, tiama ta sports dâh nata phôh (Sport rules) eima zyh pha kaw khiahta cha hlaotlohna eima hnei cheingei aw. Kei chhao Sport pahâh kawpa chyhsa châ na ta, Table Tennis tah leipa ta la ei khaih via rô khai hra.

Atahmâ ta ataopasuana nama hnei awpah lia heta Mizoram chhôh liata District sâhrawh hleikha (11) tlai ta a vaw taopasua aw ei chi ta, District to tawhta sâkhanapa châ namâ chhuah chyu awpah ta khokheina ei cha hlâ ei. Sport ma a châ ma, hmohropa a kheihawhpa rai nama to tita eima Beipa Khazohpa atheithlâhna chôta nama tao lymâ awpah he a peimawh ngai ta. He Spike Off Programme a hmâna lia heta MADC Officers Puhpa Albert Hlychho, DVO, Puhpa JH.Beihnai, S&YO Puhpa Beizakaw Vytuchho, VO nata Puhpa Pawsa Lava, AITO zy chhaota ama zi hra.