SIAHA, 22 Thlarâh, 2022, Pobienoh – Atanoh dawh 1:00 Pm pa ta AMFU Welfare Foundation, Lunglei delegate zy ta Puhpa H. Malvina, Hon’ble CEM, MADC ahmôpa ta MADC nahta hmah ama lakhoh chiehpazy nata hmahlakhoh via lymâ nawpa kyhzy ama reikhei.

AMFU Welfare Foundation, Lunglei zy he National Bank for Agriculture and Rural Development (NABARD) ry liata registered Agent châ ei ta, Farmer-zy ama hriapapuapa zua nawpa châta taopa Kaochao East liata Bazar shed thiehpa building, pahy bâ awpa ta patia ngâhaipa chhao he âmo hmahlana ta Project taopa ta mohôh ei ta, he liata MADC chhao, âmo he a baokhâ hrapa a châ.

Âmo he Mizoram chho lâ chyhsa ama châ hrana hawhta Mararâh liata ama theina hawhta raihria awpa khoh ei ta, MADC nata State sawhkhâzy nahta apha kawpa ta hrialâh ta, ku raihriapa ta nietluapazy hmahpasiesa tah, ativyna kyh liata râh châta hmahla lymâpa châ ei ta, hmialâ daihti liata cha Siaha lia chhao Office pahy amâ chhuahzie Puhpa Joseph H. Thanzuala, Director & Chairman ta a reih.

Atanoh liata akaw sietheipazy:

1. Puhpa Joseph H. Thanzuala, Director & Chairman
2. Puhpa K. Lalhnehzova, CEO
3. Puhpa PC. Lalrinchhana, CFO
4. Puhpa TC. Lalrinsanga, MIS Officer

Puhpa C. Vanneithanga, VCP, VC-1, Kaochao East ta delegate zy he Kaochao East tawhta a kaw zi hra.

AMFU Welfare Foundation, Lunglei zy he ta CEM hnoh ta Paulownia daw, Red Amla daw, lakhu nata sahriazy present ei ta, Puhpa H. Malvina, Hon’ble CEM chata palôh hmeiseihpa ta alynabie reih ta, abyuhna nata ângiana liata, MADC Executive paryhsana ta AMFU Welfare Foundation, Lunglei nahta ahrialâh lymâ awpa a pha a tahzie reih ta, hmialâ ama sie lymâ nawpa liata khokheina a hlâ ei.

CEM zachhihpa he Puhpa Beirôkhu Beitâ, I & PO, MADC ta a chakaochahlâ.

ISSUED BY:
Information & Publicity Department
Mara Autonomous District Council
Siaha.