PRESS RELEASE
NO.36/2024
SIAHA, 22 Pamih, 2024, Chutynoh – Noh 3 chhôh ôpa Mara Autonomous District Council (MADC) Budget Session 2024 cha Puhpa N. Viakhu, Chairman, MADC chhihthana ry liata atamy dawh 10:30 AM kha ta MADC Session Hall liata a noh chhâ nawpa ta hnei pazaopa a châ.
Puhpa N. Viakhu, Chairman ta Khazohpa Biehrai Pathaihpa – Rawma Mozy 12:2 reipapuana hnei ta, he khai tawhta session daihti pathaopa a châ.
Myrâh liata starred question sâ 11 a ypazy cha business hours chhôh liata hiahrina nata achhyna hnei thei khaipa châ ta, zâlâ liata MADC Budget Estimate 2024-2025 reipahmaohna hneipa a châ.
Zâlâ liata kô 2024-2025 châta MADC Budget Estimate Rs.21,736.21 Lakhs cha member zy ta lôraoh kawpa ta pass pa a châ. He liata General Grant-In-Aid (GIA) tawhta Rs.21,500.01 châ ta, Local Revenue Receipt tawhta Rs.236.20 Lakhs a châ.
MADC Budget Estimate 2024-2025, GIA tawhta hmô awpa cha – Salary châta Rs.20,147.23 lakh, Non-Salary châta Rs.1,172.60 lakhs, VC Salary châta Rs.55.56 lakhs, VC Non-Salary châta Rs.124.62 Total Rs.21,500.01 châ ta, kô 2024-2025 châta â pôhna zie cha Rs.1,379.51 Lakhs (6.85%) a châ.
Atakô MADC Budget Session liata unstarred question (ropa ta achhy awpa) sâ 6 nata starred question (pakah ta achhy awpa) 33 y ta, he nahzy hry liata business hours chhôh liata starred question hiahrina tao hmâ leipa cha sâ 5 a châ.
Atahmâ Budget Session liata Official Bill and Rules sâkha raihrie y ta, pass raihriepa a châ, cha nahzy cha:-
- The Mara Autonomous District Council (Marriage and Divorce Bill, 2024)
- The Mara Autonomous District Council (Animal Husbandry and Veterinary Department Group ‘A’ Post) (Recruitment) Rules, 2024
MADC Budget Session 2024 he Puhpa N. Viakhu, Chairman ta atanoh zâlâ dawh 3:20 PM liata daihti bitaihpa y leipa ta a pachhâsa.
ISSUED BY:
Information & Publicity Department
Mara Autonomous District Council
Siaha.
You must be logged in to post a comment.